桃里

营业中

休息中

朋友今晚請食飯，選址新世界千禧酒店內既桃里。呢度既點心出名應該好多人都知，晚餐都係第一次試。朋友安排了獨立房，環境舒適，服務員招呼周到， 有禮貌，細心。因為係朋友發板安排菜色， 每碟黎到都係驚喜。第一碟係 桂花蜜黑豚肉叉燒、豬手、百花炸釀蟹鉗、鮑魚海蜇拼盤。 蜜汁豚肉顏色亮澤，肉質鬆軟入味。好想食完再encore蝦膠釀冬菇，冬菇厚肉，但菇味唔係十分香，蝦膠打得好彈牙，蝦肉佔8成，豬肉佔2成，唔會妹仔大過主人婆香橙煎魚，看似簡單既一道餸，但香橙汁如果調得唔好會過甜什至大有苦澀味。呢個汁剛剛好，有香橙味既同時又唔會太酸，亦冇過甜。 配上即炸既魚塊，令人胃口大開呢個龍蝦全晚最精彩，肉質彈牙新鮮， 芡汁唔會搶左個鮮龍蝦味，簡簡單單已經叫人回味無窮黑椒雞扒，雞扒煎得好香脆，肉質嫩滑唔鞋口，再配上香濃黑椒汁真係好好味。鮮蝦雲吞烏冬，皮薄，鮮蝦新鮮爽口，用量不 吝嗇。 稻庭烏冬煙韌彈牙。凍香芒布甸，香滑，甜度適中，碗上清甜柚子，可愛既碗形令整體觀感加分，作為完美總結。