灣景廳

第三次嚟，今次相隔兩年，上次嚟感覺價錢抵又多嘢食，質素仲唔錯。今次經openrice訂座，每位$450，感覺價錢貴咗，食物差咗，職員態度亦無咁有禮貌及耐性。蠔好細隻，新鮮度亦一般，到大概8點左右已經停咗一大段時間無refill。海鮮吧其他海鮮都唔錯。每位一客酥皮龍蝦湯，唔會太濃太鹹。刺身新鮮，八爪魚我一向麻麻，但係呢度嘅八爪魚好好味。羊架肥肥哋幾啱我，朋友就覺得太騷。片皮鴨普通。熱葷：燒牛肉好鞋好韌，食唔到，炸豬扒雞扒勁鞋，仲有其他賣相感覺麻麻無攞。五指毛桃合桃豬骨湯。甜品都可以，唔太甜。慕斯類。Häagen-Dazs雪糕任食，最後喺雪糕櫃幫客人裝雪糕嘅男仔最有禮貌又有愛心。