新羅寶韓國餐廳

营业中

休息中

呢個星期初又收到新羅寶寄嚟嘅coupon，又係時候約朋友去飯局啦✌老實講，佢啲價錢咁貴，平日真係唔係好捨得食。但係有coupon平成一半， 梗係要去食返餐勁㗎啦😁😁😁佢雖然係貴，但係佢啲質素又真係好過出面啲韓國餐廳。今日一行三人叫咗一盤白灼豬肉辣菜包，三份烤肉，一條鰻魚，5支啤酒，飽到冇朋友😅盤白灼豬肉超正~ 肥得嚟一啲都唔油，啲肉好彈牙，包埋泡菜、辣醬同生菜食👍👍👍👍👍另外三盤烤肉叫咗五花腩， 特級雪花牛肉， 特級牛排骨肉。 自己燒嘅五花腩有啲乾， 牛排骨肉都有啲失色，但係個雪花牛肉真係好正，好林好滑😋鰻魚係好味嘅，不過98蚊得4件😅呢度地方ok，坐成晚同朋友聚舊都幾開心。