行開Park Place, 見到呢間新開嘅舖頭，咪走去睇吓囉，原來係食越南粉嘅。咁裏面有河粉啦，有麵包啦，有檬粉啦！
我點咗一個叫Bun Rieu, 係水蟹同埋豬骨湯底，有蕃茄加肉碎同埋豆腐卜。 食唔出啲水蟹嘅味道，而且呢啲料其實就唔係好夠，所以呢就唔係好飽。
但係我個friend呢就點咗另外一個Bun Moc, 但係料就好豐富，首先湯底係豬骨湯底，裏面有貢丸，豬頸肉，燒肉，鵪鶉蛋，蘑菇！呢個我就覺得幾抵食。
兩個湯粉都幾好食嘅，個湯都幾好飲！
要提一提我哋8:30去到，啲比較受歡迎嘅牛肉粉呢都會賣晒㗎啦！
2
2
3
68
