喜泰味

营业中

休息中

疫情下放鬆少少, 終於可以去house warming, 之後到新屋附近的麗閣商場用餐。 麗閣商場在19年11月番新後走工業風， 以貨櫃及塗鴉作為主題， 係IG亦見到不少打卡靚相, 參觀完一輪之後我哋就搵咗間泰國餐廳用餐。餐廳裏面嘅二人套餐價錢ok，入座後尚未點餐就送上了一客炸蝦片，相當體貼。我們點了一個二人套餐，另加炸蝦餅同沙嗲牛肉串燒，食完好飽，好滿足，另外如果等到8點半后才入座，會有85折。二人餐188蚊，唔算好抵，有一碟炒菜( 我選擇咗泰式炒椰菜苗)， 主菜我選擇咗咖哩牛腩， 另外兩碗飯同飲品， 另外加38蚊有4條串燒, 同埋order咗一個熱氣到爆炸嘅炸蝦餅印像中好似係78蚊。炒椰菜苗好食， 唔淋，表面有油光但又不會感覺油膩，最重要是沒有腥草味。 只得白飯選擇，所以我只係order咗一碗， 咖哩牛腩夠淋入味,好多薯仔， 但薯仔切得太大粒， 咖哩味入唔到去。串燒最出色， 燒到表面有啲焦香，但肉質保持鮮嫩， 配搭沙嗲醬一流。 蝦餅都算大分， 啖啖蝦肉，脆卜卜， 配搭泰式雞醬， 好適合配啤酒。