貓抓烤肉

营业中

休息中

今日同朋友傾開好耐都冇係香港食烤肉，係旺角行過就見到呢間貓抓烤肉，首先就比佢既貓貓主題吸引左入去啦。入到黎地方都幾大wor, 好多個爐頭。 坐底店員就好細心咁解說點點餐，配料，要唔要圍巾，真係好細心安排。 佢個燒爐都好好，係加左牛油紙用黎隔油烤肉，等啲油冇彈得咁勁，同埋塊鐵板冇咁易燶，好貼心既服務呀。我地叫左個貓抓全牛拼盤，黎到比想像中大盤，好抵食。 入面有4款唔同既牛柳粒，牛小排，肥牛，牛脊肉。 唔單止份量夠大，肉質仲好鮮嫩，基本上每邊唔洗20秒就食得。 再黎係蒜香豬五花，超多蒜勁香野味；玫瑰牛舌，勁多塊，好爽口的。 仲有佢既小食滕椒爽脆魚皮真係好爽口，同埋辣味啱啱好。 最後更係要叫烤菠蘿同冰凍既啤酒先夠爽啦。 今餐真係食得好豐富，好滿足。