影片
更多
2021-12-04
80 浏览
前日嘅地鐵壞車打亂咗我去深水埗拎電腦嘅計劃，所以琴日就快快趣去深水埗拎電腦加搵嘢食，行去高登嘅時候見到有間越南餐廳，入面都有唔少人所以就行咗入去食。入到去店員安排咗我坐喺高枱，見佢檯上面都有唔同越南嘅醬汁，都坐得幾舒服，枱邊都貼心放有一個勾放自己嘅袋，不過就略嫌個位唔夠大。由於食飯嘅時候係大概三點幾，所以可以有午餐或者下午茶選擇，見到下午茶都有啲比較輕便嘅食物，不過自己太肚餓，所以決定都係揀午餐嚟食。月頭出糧所以可以食餐好，就叫咗個最貴嘅安格斯牛魔王牛骨河粉，餐飲就加咗一個凍柑桔蜜，雖然佢加十蚊就有小食不過自己唔係太啱，所以就另外加咗一個帶子明蝦拌茄子。首先出賽嘅係棟柑桔蜜，好濃味，而且亦都可以飲到入面嘅柑桔肉。份量都算大杯，即使我食曬成餐之後都仲有得飲。之後上場嘅就係拌茄子，煎帶子無煮得過老，都算大粒，啖啖肉，蝦就係爽口，冇霉嘅感覺，上面有啲酸辣醬所以就唔會食落覺得肥膩，茄子夠淋不過就相比起兩樣配料，味道就比較清淡啲。 最後河粉上菜，見到佢嘅配料都畀到好足，幾欣賞佢將芽菜青檸嗰啲配料分開放，適合麻麻地食芽菜嘅人，如果青檸可以畀多一至兩嚿就更加好，個蘿蔔煮得夠淋同入味，安格斯牛就好似平
由於食飯嘅時候係大概三點幾，所以可以有午餐或者下午茶選擇，見到下午茶都有啲比較輕便嘅食物，不過自己太肚餓，所以決定都係揀午餐嚟食。月頭出糧所以可以食餐好，就叫咗個最貴嘅安格斯牛魔王牛骨河粉，餐飲就加咗一個凍柑桔蜜，雖然佢加十蚊就有小食不過自己唔係太啱，所以就另外加咗一個帶子明蝦拌茄子。
首先出賽嘅係棟柑桔蜜，好濃味，而且亦都可以飲到入面嘅柑桔肉。份量都算大杯，即使我食曬成餐之後都仲有得飲。之後上場嘅就係拌茄子，煎帶子無煮得過老，都算大粒，啖啖肉，蝦就係爽口，冇霉嘅感覺，上面有啲酸辣醬所以就唔會食落覺得肥膩，茄子夠淋不過就相比起兩樣配料，味道就比較清淡啲。
最後河粉上菜，見到佢嘅配料都畀到好足，幾欣賞佢將芽菜青檸嗰啲配料分開放，適合麻麻地食芽菜嘅人，如果青檸可以畀多一至兩嚿就更加好，個蘿蔔煮得夠淋同入味，安格斯牛就好似平時打邊爐嘅牛肉片一樣肥瘦適中，生熟程度都幾好，上菜嘅時候都仲有小小粉紅色，食落就唔會有太老嘅感覺，個湯飲落係舒服嘅，河粉成功吸收到湯汁，而且飲湯嘅時候加埋佢上面嘅炸蒜片口感都幾好，成碗河粉嘅份量都好足夠，夠飽的。令我驚喜係個牛丸，咬落係爽口彈牙，而且佢中間應該有少少牛筋或者牛脂肪，所以食落去唔會覺得好乾柴柴。
张贴
