Burger's Friend Forever (希慎廣場)

营业中

休息中

放假同阿女去銅鑼灣shopping,行到希慎廣場有啲肚餓，就同阿女落去B2樓URBANHOOD搵嘢食，地庫環境乾淨，座位寬敞。阿女揀咗Burger'sFriend Forever食下午茶，餐廳以快餐形式營運，食物即叫即做，新鮮熱辣。白酒蜆肉意粉餐：蜆肉大粒而且份量都好多，意粉沾滿洋蔥醬汁，食落惹味又彈牙，仲有微微嘅白酒香。黑松露雞菌湯：黑松露香氣四溢，菇味鲜美，口感順滑。跟餐加20元薯格，即炸薯格香脆可口。全日早餐擺盤色彩繽紛，有和牛漢堡扒、煙燻三文魚、大啡菇、煙肉、太陽蛋、班戟、茄汁焗豆、牛油果和田園沙律，十分豐富。和牛漢堡扒肉質鮮嫩多汁,入口即化。煙三文魚脂肪條紋分佈平均，入口甘香濃郁。大啡菇肉身肥厚，香味濃郁。其他食物都好新鮮味美。