本場

营业中

休息中

早兩日經過見到瓊華中心有間本場嘅日式放題好似唔錯，忍唔住相約朋友去盡興下。我地揀左$378數嘅極上牛小排海鮮放題用Qr code 落單，有大量肉類、海鮮、冷盤、小食、蔬菜類、飲品俾你揀。餐廳會先上牛小排同牛舌，牛小排，件件新鮮，肉味濃郁。點左一份香蔥玉子飯，看似平平無奇，但你將烤熟左嘅牛肉加埋落去一陣食，簡直不得了。依度d青口和多春魚都幾新鮮，青口鮮甜，多春魚濃味酥脆。牛油本菇、蒜香牛油蘆筍，密糖牛油番薯，烤熟後入口相當香口，牛油香味十足。西米椰汁糕賣相不錯，西米份量十足，口感豐富，啖啖都帶椰汁的味道。