A.S.T 小食拼盤
無骨酸辣鳳爪沙律，酸辣爽口；曼谷經典手打蝦餅，炸到外脆肉軟，配上泰式醬汁，美味非常；仲有蔬菜長春卷、泰式炸蝦片、酥炸一支骨雞翼和炭燒豬頸肉，都好吸引。
泰式雜菌金邊粉
好多健康配料，包括雜菌。金邊粉炒得好夠味，又唔會太乾身，麵條順滑又唔會好碎。
原隻海蝦雜錦海鮮冬蔭功湯
有好多款海鮮，包括大大隻的海蝦、新鮮青口和蜆等。湯底帶點椰香，辣度適中。
馬拉盞通菜
通菜鮮嫩，好夠火喉。用馬拉盞炒通菜，令通菜更香口。
沙灘小子（凍）
賣相一流，荔枝味濃，屬清爽解渴之選。
龍眼梳打
龍眼味重，梳打清新。
Add Some Thai Restaurant的職員服務優質，上菜快捷，態度有禮。餐廳為客人提供豐富的泰式美食，供客人享用。餐廳空間寬敞，私隱度高。空調調得較低温，客人可自備外套，以備不時之需。
