波士冰室

营业中

休息中

今日非常難得約咗同事食早餐，同事推介位於灣仔地鐵站附近的波士冰室。店內擺設十分懷舊，見到唔少兒時玩意及用品，例如搪瓷杯用來放調味，舊信箱舊鐵閘裝飾，仲有唔少懷舊的圖片，充滿舊香港情懷。我們坐卡位，坐得舒服，環境乾淨衛生，食得安心。早餐E 吉列魚柳、雞肉腸拼櫻花蝦炒滑蛋，香草蒜蓉丹麥多士非常豐富滿足！吉列魚柳好厚身，肉質鮮嫩，炒蛋非常香滑，再加上櫻花蝦沾上高貴氣質。重要主角係香蒜丹麥多士，上枱放咗一陣，還有微熱，口感好鬆化，一層一層，口感豐富好香香草蒜蓉味道。早餐F 西冷牛扒餐、雞肉腸拼櫻花蝦炒滑蛋，香草蒜蓉丹麥多士西冷牛扒食得出肉味，底部仲有兩塊香葉似乎是用香料醃製過，感覺唔會有鬆肉粉，值得一讚。門口見到有外賣優惠，下次可以試吓。