⭐️達摩壽喜燒二人前⭐️
超級豐富 有2款前菜 - 醬漬螢光魷魚同辣味帶子裙邊 開胃又新鮮
肉就牛肉盛盒係亮點 有檸檬の牛舌、安格斯牛板腱同澳洲M5和牛肩胛；枱面有一張指示教你點樣整壽喜燒 先用牛脂開爐 之後我哋先試澳洲M5和牛肩胛 簡單煎兩邊再加入壽喜燒汁 發勻隻蛋 和牛肩胛加埋蛋漿之後食入口即化 超香！超級滿足！
牛舌薄切可以加點檸檬汁 清新又爽口彈牙；安格斯牛板腱油花均勻 牛味較濃 入口嫩滑
總括三款牛質素都唔錯 而且份量十足！
食完肉類之後 就可以加入湯去煮蔬菜 湯底甜鹹啱啱好 配蔬菜同稻庭烏冬好滿足
小食明太子雞翼外脆內軟 微辣過癮
今日我哋冇飲酒 點了淡雪の莓同富士云魅 本身都係因為見張相好吸引 結果都有驚喜 淡雪の莓奶味好香 富士云魅椰青水較清新 可以解膩
3
1
餐廳另一大重點係必點的生日祝福畫碟服務🍰 呢個服務喺日式餐廳應該較為少見 不過大家記得要提前預訂 可以講你想寫既字同畫既公仔
店員會捧一個木箱上枱 之後點火先會睇到入邊有一件北海道抹茶蛋糕同埋畫咗公仔嘅碟 店員會主動幫手影合照再印返俾我哋留念 而且仲有一份達摩小禮品 係個御守嚟㗎 好開心😍
逢星期五、六會開到午夜12:00 啱晒打工一族 而且9點後仲有79折同埋所有酒類、非酒類都有買一送一！
如果食中午的話星期一至日12:00-16:00都有全單都有79折 如果食午市套餐都有買四送一優惠❗️
26
