🐑酥皮蟹盒，蟹肉好大機會係罐頭貨嚟嘅，一道有魚子有柚子珠珠的菜式，擺入焗爐焗熱上枱，其實好奇怪。
🐑田螺，毫無牛油香味，墊底嘅薯蓉又冇奶香，完全提不起客人食慾。
🐑龍蝦湯，非常似現成貨番熱的樣式，一丁點海鮮味、一丁點甲殼味都沒有，亦無白蘭地酒香，唯一好處係，真係好夠熱。
🐑法式馬賽魚湯，湯本身都好夠海鮮味、好夠酒味，各方面味道亦平衡，呢個值得一讚。奈何，魚同帶子本來煎得好地地，又多手擺入焗爐焗做乜鬼呢？咁樣一焗就稍為焗老咗少少喇。同埋4隻花甲有兩隻有沙，其後飲到湯裡面都有少許沙，個湯本來好地地，破壞咗喇😅
🐑威靈頓牛，係今晚唯一冇乜挑剔嘅菜餚，呢個唔錯，推薦，絕對推薦👍🏻
🐑拿破崙，上枱時覺得唔係好妥，因為個Pastry似餅乾比較多，不過入口都係脆身嘅，同埋係即場砌，Custard都香滑，有誠意。
🐑朱古力凍批配雪葩，朱古力味幾濃，可以啦。
#西營盤 #TasteAllPate #脷安食道 #LeionFoodChannel
