影片
更多
2018-07-12
154 浏览
話說今日係我地嘅特別日子，成日已經周圍飲飲食食，估唔到今晚晚飯，另一半仲安排左去九龍城呢間意大利餐廳浪漫一番。真係心意搭夠。呢間餐廳於九龍城廣場附近，相對地易搵同埋交通方便。餐廳雖然唔算大，人客好多，但坐得好舒服，周圍裝飾好有氣氛，播著昔日經典洋樂，好適合今日我地慶祝。詢問過餐廳職員，recommend 白酒煮青口同prime sirloin ，就即管試試，反正自己最鐘意食牛扒。隔一陣就送上牛油同兩款麵包。蒜蓉包香脆可口，蒜蓉份量適中。另一款麵包好鬆軟，加上來自澳洲嘅牛油，真係好開胃。意大利菜湯，睇落去同平時飲嗰啲雜菜湯差不多，但放入口之後，包你話唔同。湯質地好濃郁，唔係好稀，蔬菜又夠多，又唔會好咸，係一個好健康選擇。白酒煮新鮮紐西蘭青口，上碟擺放得好靚，微微白酒清香，腦袋都發出訊號垂涎三尺。青口比想像中更大隻，食落去好肥美，好新鮮，中間部分好棉，好好味。加上有好多煎香左蒜片，夾埋青口一齊食令味覺昇華。至於白酒湯汁底，充滿濃濃海鮮味，不妨試試飲兩羹。當選擇清炒蒜片辣椒意粉係諗，食左咁多野，唔好咁heavy ,清清地，又填到肚。點知，意外地咁好食。之前聽過外國廚師都話呢款菜無咩特別食材，
呢間餐廳於九龍城廣場附近，相對地易搵同埋交通方便。餐廳雖然唔算大，人客好多，但坐得好舒服，周圍裝飾好有氣氛，播著昔日經典洋樂，好適合今日我地慶祝。
詢問過餐廳職員，recommend 白酒煮青口同prime sirloin ，就即管試試，反正自己最鐘意食牛扒。
隔一陣就送上牛油同兩款麵包。蒜蓉包香脆可口，蒜蓉份量適中。另一款麵包好鬆軟，加上來自澳洲嘅牛油，真係好開胃。
意大利菜湯，睇落去同平時飲嗰啲雜菜湯差不多，但放入口之後，包你話唔同。湯質地好濃郁，唔係好稀，蔬菜又夠多，又唔會好咸，係一個好健康選擇。
白酒煮新鮮紐西蘭青口，上碟擺放得好靚，微微白酒清香，腦袋都發出訊號垂涎三尺。青口比想像中更大隻，食落去好肥美，好新鮮，中間部分好棉，好好味。加上有好多煎香左蒜片，夾埋青口一齊食令味覺昇華。至於白酒湯汁底，充滿濃濃海鮮味，不妨試試飲兩羹。
當選擇清炒蒜片辣椒意粉係諗，食左咁多野，唔好咁heavy ,清清地，又填到肚。點知，意外地咁好食。之前聽過外國廚師都話呢款菜無咩特別食材，但要煮得好係唔易。意粉好彈牙，一啲都唔過腍，炒得乾度適中。蒜片炒得唔過火，少少焦，最好食就係呢隻。如果唔夠飽，真是想encore。
之後就主角出場，prime sirloin steak（12oz)。是炭燒Sirloin Steak ，我地ordered 7成熟，外皮微焦帶脆，牛肉味道濃郁，肉色紅嫩，肉汁豐富，口感十足，絕對係招牌菜色！配菜薯蓉都非常好味，好棉好滑，入口充滿牛油香味，簡直係最佳配菜。
最後，亦都食咗個甜品，令到今餐嘅晚飯有完美嘅結局。係一個朱古力榛子批，朱古力好甜好滑，充滿幸福感覺。
呢間餐廳比我感覺好有誠意去選擇食材，製作每一度菜，而且價錢適中，但質素真係超高，誠意之選。
张贴
