影片
更多
2023-12-01
317 浏览
介紹返💁🏻♀️。。🇹🇼 台式火鍋吃到飽 在將軍澳 🇹🇼。牛大人台灣火鍋吃到飽 Master Beef。Popcorn 2樓PopFood 3號舖。精選嫩牛 套餐正價時段。HKD248 + 10% 19:30前離座 或 23:00後入座。HKD208 + 10%21:30-23:00入座。HKD228 + 10%美國特級安格斯 套餐正價時段。HKD288 + 10% 19:30前離座 或 23:00後入座。HKD248 + 10%21:30-23:00入座。HKD268 + 10%澳洲極上和牛 套餐正價時段。HKD328 + 10% 19:30前離座 或 23:00後入座。HKD288 + 10%21:30-23:00入座。HKD308 + 10%*所有套餐星期五、六、日、假期及前夕 + HKD10*特別日子 + HKD20🤫 尋日係Dating Thursday..係同飯腳仔撐枱腳嘅日子😬我哋又去咗食飯腳仔最鍾意嘅打邊爐放題..今次揀嘅可以話係香港台式火鍋吃到飽嘅表表者兼且入主咗將軍澳冇耐嘅Master Beef🥩牛大人～😂🤫 成日聽人哋話去牛大人打邊爐..講老實..而家啲台式邊爐成
。
。
🇹🇼 台式火鍋吃到飽 在將軍澳 🇹🇼
。牛大人台灣火鍋吃到飽 Master Beef
。Popcorn 2樓PopFood 3號舖
。
精選嫩牛 套餐
正價時段。HKD248 + 10%
19:30前離座 或 23:00後入座。HKD208 + 10%
21:30-23:00入座。HKD228 + 10%
美國特級安格斯 套餐
正價時段。HKD288 + 10%
19:30前離座 或 23:00後入座。HKD248 + 10%
21:30-23:00入座。HKD268 + 10%
澳洲極上和牛 套餐
正價時段。HKD328 + 10%
19:30前離座 或 23:00後入座。HKD288 + 10%
21:30-23:00入座。HKD308 + 10%
*所有套餐星期五、六、日、假期及前夕 + HKD10
*特別日子 + HKD20
🤫 尋日係Dating Thursday..係同飯腳仔撐枱腳嘅日子😬我哋又去咗食飯腳仔最鍾意嘅打邊爐放題..今次揀嘅可以話係香港台式火鍋吃到飽嘅表表者兼且入主咗將軍澳冇耐嘅Master Beef🥩牛大人～😂
🤫 成日聽人哋話去牛大人打邊爐..講老實..而家啲台式邊爐成行成市..如果唔係佢開咗間咁近我嘅分店..我諗我都唔會獻出我嘅第一次🤭將軍澳呢一間牛大人地方都幾大..有勁多位..米白色嘅裝修再配淺木色嘅枱凳..令人覺得光猛舒適..不過唔嚟到都唔知原來牛大人真係有價有市..尋日星期四Weekdays都可以全院滿座..而家嘅香港唔係間間餐廳做得到
🤫 邊爐嘅嘢離不開牛肉海鮮..今次我哋食豪啲啲要咗最貴嗰隻和牛套餐..有成七種牛肉嘅選擇..質素全部都水準之上..終於明白點解牛大人咁受歡迎..佢哋嘅Prime肩里肌唔使食到最貴嗰個餐都食到..然後呢一隻肉嘅肉質非常之唔錯而且牛味絕對係香濃..我非常之推介～其次係手切封門柳同埋和牛M5牛肩卷..前者肉質厚實有咬口肉味濃..後者薄薄一大片肥瘦非常均勻..呢三種牛肉係必叫嘅選擇🫶🏻
🤫 海鮮方面..牛大人呢度嘅沙白蜆係我見過嘅放題式火鍋入邊用料最靚嘅..佢哋啲沙白蜆隻隻都有返咁上下斤両而且肉質鮮甜..我哋偷睇到隔籬枱嗰兩個年輕人食蜆都食咗起碼四五十隻..就知佢咩料啦..然後海蝦都OK都係啖啖肉爽口嘅..再嚟脆肉鯇都係一個非常好嘅選擇
🤫 嗱～講蔬菜種類呢可能呢度就未必夠某一啲其他邊爐多..但係講特色魚滑同餃子..牛大人話自己排第二都應該冇人夠膽話自己排第一..淨係台式餃子都有六款..乜嘢瓜仔雞水餃台式蛋餃呢啲出邊都未見過..要特別講嘅係佢哋嗰隻台式蝦餃飯腳仔非常鍾意食..食落有啲似拉直咗嘅魚皮餃😂然後嗰啲乜滑麥滑都有成四五種咁多..個人就最喜歡嗰隻墨魚汁墨魚滑..味道真係幾香～睇嚟牛大人都係主力Sell呢啲特色嘢㗎～
🤫 學滔滔話齋打邊爐最重要就係個湯底同埋嗰個爐😬我哋揀嘅係十隻湯底裏邊嘅台中蒜頭雞鍋..淨係個湯底都勁足料..有半隻大肥雞仲有九萬幾粒蒜頭..香濃度係滿分..然後佢哋個電子爐都OK喎..滾得夠快夠熱
🤫 另外茶飲同醬汁方面..我發現都係牛大人嘅看家本領..外面幾乎未見過嘅特調辣椒醬腐乳醬豬肉醬洋蔥牛肉醬都係各有特色..然後佢哋嘅金桔椰果簡直係榮登咗我嘅飯腳小寶貝Number One最愛..佢話酸酸甜甜又有椰果咬吓..非常之開胃..令到佢可以食多幾塊牛🤭然後佢哋呢度仲有近排好鬼Hit嘅乜鬼嘢鴨屎綠檸檬茶..好似話你Follow佢哋個Account佢就會請你飲一杯咁話喎～我自己就好欣賞佢哋提供嘅大紅袍同埋白桃烏龍茶嘞～
🤫 最後關於小食甜品..我一個人就隊咗台式香腸四條..好鍾意佢哋真係跟返傳統俾埋生蒜片..當我淥緊嗰啲嘢食未食得嘅時候就可以攞條香腸咬下..然後皮蛋豆腐亦都深得我心..差啲唔記得仲有個個都話要食嘅鬼馬油炸鬼..真係熱辣辣咁樣送過嚟㗎喎..脆卜卜嘅程度達致滿分..唯一就係唔似得出邊嗰啲放題咁多甜品揀囉～
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
张贴
