影片
更多
2023-04-04
567 浏览
介紹返💁🏻♀️。。🇹🇭 泰菜 在銅鑼灣 🇹🇭。小曼谷泰國美食站 Mini Bangkok Thai Food Station 。Tower 535地庫B02舖。泰式鹹魚炒椰菜苗Thai Fried Thai Baby Cabbage with Salted Fish。HKD108 + 10%黃咖喱生腩Yellow Curry with Beef Brisket。HKD118 + 10% 泰式原味烤酥餅Thai Pancake。HKD52 + 10% @ 2 pcs椰汁雞湯Spicy Chicken Soup with Coconut Milk。HKD138 + 10% 🤫 本來今日又係諗住偷懶嘅🤪不過啱啱同W豬落銅鑼灣食咗餐泰菜..都幾好味所以即刻出返篇美食日記先..想介紹嘅係位於銅鑼灣總統戲院對面嗰棟Building地牢嘅小曼谷～🤫 小曼谷泰國美食站裝修幾過癮..用咗幾大地方嚟放一個一比一嘅火車頭喺門口..然後中間用Deco將成間鋪頭間開兩邊..所以地方好見駛座位亦都有好多🤫 我哋呢餐唔係叫咗好多嘢食..先講吓呢度推介嘅黃咖喱牛腩..唔好睇佢煲仔細細其實都幾多餸㗎..牛腩都有成七八件
。
。
🇹🇭 泰菜 在銅鑼灣 🇹🇭
。小曼谷泰國美食站 Mini Bangkok Thai Food Station
。Tower 535地庫B02舖
。
泰式鹹魚炒椰菜苗
Thai Fried Thai Baby Cabbage with Salted Fish
。HKD108 + 10%
黃咖喱生腩
Yellow Curry with Beef Brisket
。HKD118 + 10%
泰式原味烤酥餅
Thai Pancake
。HKD52 + 10% @ 2 pcs
椰汁雞湯
Spicy Chicken Soup with Coconut Milk
。HKD138 + 10%
🤫 本來今日又係諗住偷懶嘅🤪不過啱啱同W豬落銅鑼灣食咗餐泰菜..都幾好味所以即刻出返篇美食日記先..想介紹嘅係位於銅鑼灣總統戲院對面嗰棟Building地牢嘅小曼谷～
🤫 小曼谷泰國美食站裝修幾過癮..用咗幾大地方嚟放一個一比一嘅火車頭喺門口..然後中間用Deco將成間鋪頭間開兩邊..所以地方好見駛座位亦都有好多
🤫 我哋呢餐唔係叫咗好多嘢食..先講吓呢度推介嘅黃咖喱牛腩..唔好睇佢煲仔細細其實都幾多餸㗎..牛腩都有成七八件..每件都幾大嚿..咖喱味都好入味..而且肉質鬆軟..配搭嘅蔬菜有紅椒青椒洋蔥薯仔..都幾均衡飲食㗎
🤫 咁食得咖喱點少得用嚟點咖喱汁嘅薄餅呢..雖然份量真係唔算太多..但係勝在酥脆好味..仲要算係比較乾身唔會油冧冧咁..我同W豬都好鍾意食
🤫 至於椰汁雞湯Portion都好大..一份夠四個人飲有餘..味道正宗..有冬陰功嘅嗰種香味同酸味但係就唔會話好辣好辣..呢個湯就最啱我呢啲鍾意冬陰功嘅酸辣味但係又唔可以食得太辣嘅人㗎啦..而且雞件都有好多..仲好有雞味好滑溜添..我次次嚟都有叫佢㗎
🤫 最後為咗成餐飯健康啲梗係要叫返個菜啦..食泰國嘢我就最鍾意食椰菜苗㗎喇..可惜呢度嘅椰菜苗好似大個咗啲🤪不過好在菜葉菜梗都尚算柔嫩..另外佢哋用嘅泰國鹹魚都幾好味..亦都能夠將鹹魚嘅鹹香散發落去椰菜苗上邊
🤫 整體嘢食同埋環境都介紹咗..有一樣嘢值得一讚嘅就係..呢度每一樣餸菜都係新鮮滾熱辣上枱..完全做到色香味俱全..你知啦如果啲嘢食放到室溫咁樣先上枱..幾好味都會扣分啦～另外原來佢哋呢度仲有Live Music㗎喎..好可惜我哋走之前嗰個歌手都仲未準備好..咁我哋今次就冇緣睇佢表演啦
🤫 預告一下..我哋兩個為食仔又點可能食咁少嘢呢..聽日將會介紹泰國餐之後嘅甜品～敬請期待🙆🏻♀️
。。
翻兜指數：🙆🏻♀🙆🏻♀️️🙆🏻♀️ （5個🙆🏻♀️為翻兜爆燈）
💮已翻兜次數：2次💮
。。
张贴
