時光逆流 (已結業)

_____好味指數：🌟🌟🌟🌟🌟抵食指數：🤑🤑🤑🤑「如果時光可以逆流，你會有想改變嘅事嗎？」呢個係我見到個名諗起嘅問題🕰Cafe係中環一個清幽但又唔難搵到嘅地方，入去上一層就見到舒適嘅裝修，我特別鍾意壁畫同旁邊啲裝飾，感覺親切🟡✅香煎三文魚定食好少可以食到咁完整大塊嘅三文魚扒🐟煎得好香口，油脂豐富，入口鮮嫩，加咗檸檬牛油汁同木魚絲去增添清新同口感🍋旁邊仲有關東煮同烏冬🍜烏冬順滑彈牙又有飯素同芝麻醬調味，食完成個set好滿足✅月亮與六便士好有詩意嘅名，加入咗Earl grey、espresso同朱古力🍫中間有一粒牛奶冰球🍼仲配多一shot espresso on side☕️每啖口感層次分明，而且冰球隨時間融化令咖啡愈飲愈甜，每個變化就好似象徵住「月亮與六便士」書入面男主角嘅人生階段🌙✅時光逆流招牌蛋糕係一種拖肥蛋糕🍰味道香甜又綿滑，口感會比拖肥糖再流心啲，加埋花瓣裝飾成件甜品好靚💐