意樂餐廳 (新九龍廣場)

营业中

休息中

今晚一個人無約，到新九龍廣場意樂吃個晚餐，見個價錢都好抵，$88包百里香烤雞、濃香菌皇忌廉湯、烤野菜和薯條。食物好快上枱，個菌皇忌廉湯無乜忌廉，唔夠滑，重幾重味精，飲咗開始覺得口渴。跟住個主菜出場，原來得半隻春鷄，唔係一隻，都算喇！切落個鷄皮都好脆卜卜，點知一切開個脾仲係生既，得七成熟，同個侍應講話隻鷄好生，點知聽到佢對廚房講話隻鷄唔熟，炸返熟佢！原來係炸春鷄，唔係烤春鷄。隻鷄再返黎既時候炸到乾晒，又鞋，味道都係麻麻地，鷄同薯條同樣有味精，沙律菜又唔太新鮮，唯一優點係個翠玉瓜好好食，軟硬剛剛好。由於我無叫飲品，都要飲咗三杯水都仲想飲(味精重太口渴)。