大樹先生的家 (皇室堡)

营业中

休息中

D2 place大樹先生都已經玩到厭啦，難得新店開到入到鬧市銅鑼灣，緊係要帶埋仔仔囡囡捧下場。由於仲係試業階段，大樹先生全身都仲係充斥著裝修「天拿水」味，令人愈玩愈High，成個波波池以粉紅色波波做主題，大人細路都玩得好興奮！野食方面老婆叫左「特級牛扒烤大磨菇」同埋「青芥香草慢烤三文魚」，主題餐廳野食不嬲冇要求，填飽個肚就可以，呢間大樹先生野食算見得吓人，牛扒超級厚唯獨欠牛味，配磨菇汁仔仔勁Like。嫩滑三文魚腩上面青芥加少少海鹽辣刺激你每個味蕾，魚皮仲煎得香脆。兒童餐叫左做型可愛的「螃蟹寶寶照燒雞扒」，細路仔自己動手大啖大啖咁食，大人最期待的畫面出現啦。