舖如其名唔係成日開
嚟之前一定一定要起去佢ig check下⚠️
去到嘅時候見到預期中嘅人龍
雖然位唔少但都排咗個幾鐘…
13
✧ 西西里島開心果巴斯克（$68）
食到第一啖都覺得不枉排咗成粒鐘 (⸝⸝⸝ᵒ̴̶̷̥́ ⌑ ᵒ̴̶̷̣̥̀⸝⸝⸝)
開心果味濃就基本盤
然後質地又好順滑
甚至滑到𢳂唔起😂
喺個巴斯克上有啲開心果碎同醬
個顏色同本豬平時買嘅意大利開心果醬
個醬食落好濃好有料
✧ 香水檸檬巴斯克配開心果脆底（$72）
好特別地喺topping落黑椒同香草
有啲似食緊西餐嘅感覺
味道方面黑椒係中和到檸檬嘅酸
不過覺得意見兩極 朋友就覺得好奇怪
至少於脆底細味嘅話係食到開心果味嘅
但撈埋檸檬芝士蛋糕就唔太出
如果有心嚟食開心果嘅fans建議直接叫兩個開心果巴斯克
質地方面偏硬 唔係一刀可以cut到落脆餅底
✧ 單品巧克力（$65）
雖然貴同細杯 但好飲係真係好飲
質地好濃厚foamy
大概係除咗朱古力同奶仲要再加忌廉
好肥仔但一定會飲哂
✧ 熱情果紅茶（$45）
好特別地用咗熱情果嘅果乾
擺得耐咗就會愈浸愈腍滲多咗味出嚟
同紅茶甘澀味好夾
