影片
更多
2022-10-17
27 浏览
朋友見我地兩口子陣唔中都會飲下茶，推介呢間位於觀塘嘅新派點心餐廳。餐牌入面有唔少選擇，傳統嘅點心、蒸飯、甜品都有。佢嘅點心賣相好多都好靚，我哋點咗招牌點心，包括「一龍大滿足」同「脆脆富貴紅米腸粉」，仲有蘿蔔絲酥、拉絲菠蘿包。一龍大滿足（$62）- 入面有六款點心，啱晒樣樣都想試吓嘅朋友。種類都好有特色，有酸菜魚鳳眼餃、蟹粉菠菜香蝦餃、筍尖蝦餃皇、松露惹菌晶瑩餃、鹹蛋黃墨魚燒賣、豌豆桃子各一隻。造型賣相好靚，味道都唔錯，特別推介鹹蛋黃墨魚燒賣，係爆汁。松露野菌晶瑩餃好香黑松露味，蝦餃整得皮薄爽口。脆脆富貴紅米腸粉（$46）- 呢個造型亦都係相當吸引，紅米造嘅腸粉，顏色好鮮艷。腸粉皮薄軟熟，入邊仲有蝦同豬肉，味道好正。蘿蔔絲酥（$38）- 另一個必食推介，酥皮做得勁香脆，入邊餡料十足，熱辣辣，真心好味。拉絲菠蘿包（$38）- 比較少見菠蘿包入面有芝士，芝士味唔算好勁，唔會搶咗菠蘿包嘅味道，又幾夾呀。餐廳屬於新派點心小店，環境舒服，人少少想食下點心嘆下茶，都係一個好嘅選擇。
餐牌入面有唔少選擇，傳統嘅點心、蒸飯、甜品都有。佢嘅點心賣相好多都好靚，我哋點咗招牌點心，包括「一龍大滿足」同「脆脆富貴紅米腸粉」，仲有蘿蔔絲酥、拉絲菠蘿包。
一龍大滿足（$62）- 入面有六款點心，啱晒樣樣都想試吓嘅朋友。種類都好有特色，有酸菜魚鳳眼餃、蟹粉菠菜香蝦餃、筍尖蝦餃皇、松露惹菌晶瑩餃、鹹蛋黃墨魚燒賣、豌豆桃子各一隻。造型賣相好靚，味道都唔錯，特別推介鹹蛋黃墨魚燒賣，係爆汁。松露野菌晶瑩餃好香黑松露味，蝦餃整得皮薄爽口。
脆脆富貴紅米腸粉（$46）- 呢個造型亦都係相當吸引，紅米造嘅腸粉，顏色好鮮艷。腸粉皮薄軟熟，入邊仲有蝦同豬肉，味道好正。
蘿蔔絲酥（$38）- 另一個必食推介，酥皮做得勁香脆，入邊餡料十足，熱辣辣，真心好味。
拉絲菠蘿包（$38）- 比較少見菠蘿包入面有芝士，芝士味唔算好勁，唔會搶咗菠蘿包嘅味道，又幾夾呀。
餐廳屬於新派點心小店，環境舒服，人少少想食下點心嘆下茶，都係一個好嘅選擇。
张贴
