House FiftyEight

营业中

休息中

觀塘一向都有好多特色餐廳，今日就嚟到呢一間位於電訊數碼大廈嘅西餐廳，餐廳嘅面積好大，仲有埋室外嘅位置，而且因為佢哋都有酒吧形式，所以都有好多酒game喺隔離可以玩。炸魚手指蝦多士兩個小食新鮮出爐，炸完即刻上碟，所以香非常香脆，仲提供埋醬汁千島醬。燒三文魚柳呢個三文魚魚柳好香三文魚味，配埋佢嘅海鮮白汁，汁入面仲要有魷魚、三文魚子等等嘅配菜，而且三文魚扒份量都好大，性價比幾高。蘆筍軟殼蟹忌廉意大利飯呢個意大利飯嘅味道有意外驚喜，醬汁調配得非常好，食落好Creamy，但又唔會過鹹。佢嘅軟殼蟹又係炸得啱啱好，同埋有時最怕食軟殼蟹就係好大浸內臟味，佢呢一個已經挑走晒內臟嘅部份，所以食落去完全冇呢個問題。