當晚我們都ORDER左佢地多款菜式，包括新款式海鰻魚干、炸蝦、辣吞拿魚卷、北海道華蓮蠔、七款刺身拼盤、燒喜知次、燒銀杏、宮崎黑毛豬香腸等等，全部都係我至愛,食物更加保持一貫水準!
首先，附送既餐前小食-海鰻魚干真係又幾特別,第一次食,香脆可口,送酒最好,炸蝦又炸得酥脆可口，之前舊舖時係我必點既一款菜式。辣吞拿魚卷則有著特殊的辣度,正!今次都試左日本華漣蠔，味道鮮美，口感嫩滑又新鮮。
每次去到都一定會叫刺身拼盤,今次就叫左七款，牡丹蝦赤貝更係我既至愛， 燒喜知次魚(KINKI)的燒烤技巧恰到好處，魚肉鮮甜多汁，魚油滿瀉，燒銀杏用來送酒簡直一流。
最後每人送上一杯雪糕,大滿足既一餐!下次要再ENCORE!
