滿福庭

营业中

休息中

今日趁放假同屋企人飲茶，在APM旁的鱷魚恤大廈飲食選擇多，難怪成日等𨋢大排長龍，今日揀咗一間酒樓，有特價下午茶。貴妃雞湯米線（碗）$40有找，非常抵食，叫咗貴妃雞好嫩滑入味，好飽足。香芋鴨腳扎一般茶樓比較少見，有芋頭，豬肉加鴨腳，用腐皮包住，可能手工多，遲早失傳，一定要支持吓。沙窩炒腸粉好惹味又夠鑊氣，足料，用砂鍋上保証熱辣辣，誠意推介。陳皮叉燒酥餡料足，加左陳皮豐富了層次感，而且賣相飽滿，味道唔錯。南乳炆豬手炆得非常入味，豬手冇咁多肉，但有豐富的骨膠原，有花生托底，吸收了醬汁的精華。山竹牛肉球真材實料，不過不失。蜜糖脆麻花認真平靚正，十幾蚊，大大碟，蜜糖滿滿，唔錯。總括嚟講，性價比高，實物質素唔錯，會再encore。