米子燒肉家

营业中

休息中

朋友話美林村冬菇亭開左間燒肉店，就一齊去試下，環境乾淨闊落，卡位坐得好舒服，原來仲有雞煲，我地叫左燒肉盛同椰子雞煲.牛五花燒肉盛，牛五花油脂豐富，燒完油脂令肉質更柔軟，牛香重，口感細緻，好好味. A4和牛肩胛，霜降紋理好靚，油脂分佈比例均勻，肉質鮮嫩，入口即化，牛味重，正!燒大蝦同扇貝，蝦肉爽滑彈牙，鮮甜.扇貝好新鮮，好大只，好鮮美.好食.椰子雞煲，天氣涼涼地，好岩食雞煲，椰子湯底清甜，滋潤，雞肉鮮嫩，椰子精髓渗透入雞肉，更加鮮甜，真係超級好食.仲有自助區，有甜品，飲品任食，真係超級滿足.下次要試埋燒肉放題.