阿木台灣麵 (D2 Place TWO)

营业中

休息中

阿木台灣麵 （荔枝角）❣️在荔枝角行街經過見到呢間台灣麵好多人排隊，於是我都想入去試吓。Menu好多親民套餐，麵、便當、小吃、台式飲品都好齊全。🌟紅燒牛肉麵湯底鮮甜，不會好重味精味。牛腩炆煮到超級嫩滑，肉質軟腍。牛筋入口即溶。麵底煮嘅時間啱啱好，好彈牙。都好掛湯，令人好想大啖大啖食。🌟鹽酥雞便當份量極多！有三種不同配菜，酸酸甜甜開胃之餘，仲可以解膩。台式經典滷肉飯。可見一粒粒肉燥。肉汁鹹度適中。搭配軟熟的珍珠米，非常開胃。鹽酥雞即叫即炸，入口熱辣辣。炸粉超級薄，外脆內嫩，雞肉嫩滑多汁，超級Juicy。味道適中，鹹香可口。🌟炸甜不辣顏色金黃，看起來就好有食慾。炸粉薄，外脆內軟口感超級彈牙，非常香口。味道鮮甜，每啖都食到濃郁的魚香，又品嚐到輕微香料味，使鮮甜味有所提升。❣️總括而言，價錢親民，份量好多！味道不錯。是性價比高的台灣餐廳。