大雞食堂

营业中

休息中

今日行經銅鑼灣摩理臣山道附近睇燈飾，見到差唔多食lunch時間要醫肚，行經呢間門口裝修都幾簡約，喺門口望咗啲餐牌，原來呢間餐廳係食燒雞專門店，啱晒我嘅口味，實行走入去試吓。內裡裝修較為簡潔，而且價錢都好平民化，於是叫咗個午餐加一杯飲品都係$74，絕對抵食。🍴 招牌蔥油雞扒飯呢碟飯嘅飯份量超大，飯上再淋滿調校了味的甜豉油，而且仲有一大匙絕邪惡惹味的蔥油，但呢啲都只係配角，主角係燒雞扒，總共有5大件，而且每件都燒到皮脆肉嫩，重可以鎖住肉汁，好味到難以形容，不消一會便把整碟飯吃光。🥤 凍珍珠奶茶 （午餐餐茶轉珍珠奶茶 +$9)呢杯珍珠奶茶夠晒大杯，而且夠晒冰凍，茶味夠濃郁，入面啲珍珠份量都好多而且夠晒Q彈。