十和田壽司 (香港科學園)

营业中

休息中

放假間唔中都會帶小朋友去科學園玩，今次發現開咗呢間餐廳真係好開心！先講佢嘅環境，乾淨、企理，夠闊落，仲有落地大玻璃望風景，身心都舒暢啲。食物方面，好多選擇，老公叫咗鰻魚飯，好厚身好大塊！我同小朋友就share鯖魚定食，即叫即煎，夠熱夠脆，又唔乾身！小食叫咗明太子雞翼，好飽滿，好Juicy！食飽差足電，小朋友又可以繼續喺出邊大空地玩，大人就繼續傾偈，完全係親子友善餐廳，食物價錢合理，仲一定夠消費可以免泊。食完想行吓，隔離又係fusion，餐廳揀呢個地點真係完勝尖沙咀分店。