Bao Bei

偶爾來的一個寫意午餐,的確可以為疲倦身心充充電. 朋友上星期忙完一輪後,就提議到呢間距離我哋公司唔太遠嘅餐廳嘆番個悠閒午餐.


踏入狹小嘅正門通道,即時俾排點心蒸籠吸引咗. 以為餐廳藏喺密不透光嘅地窖,原來下面另有一片天地,佈置以傳統中國民間用品作元素,點心蒸籠丶百子櫃丶珠算盤丶象棋...等,拼湊起嚟有種獨特風格.

午市套餐選擇唔算多,前菜我哋都要咗沙律,主菜我就點咗秘製叉燒蛋飯漢堡,朋友點咗香煎鴨脾配鴨油飯.

沙律幾大份,檻欖油落得較多,令沙律菜食起嚟好香好滑,加上調過味嘅菇丶蕃茄丶紅蘿蔔丶蝦肉,撈埋一齊好惹味!

Set  lunch  -  house  salad

我個叉燒飯漢堡一上枱好香 打開舊叉燒唔多似叉燒,食落似煎厚肉餅. 飯就比平時嘅飯漢堡稍油咗啲. 反而流心荷包蛋令各種味道融合起嚟! 整個食落幾好味~

Char  Siu  &  Egg  Rice  Burger

朋友嘅香煎鴨脾配鴨油飯賣相相對單調,但鴨脾煎得香脆,味道不錯.

Pan-fried  crispy  duck  leg

食到一半,笑容甜美嘅侍應小姐拎咗盒茶嚟俾我哋揀,有9款咁多咁認真 我揀咗果茶,朋友揀咗薑茶,幾好飲~

Set  lunch  -  tea  selection 

甜品係椰汁涼粉凍,好清甜~

Set  lunch  -  dessert

埋單每人唔洗$150,喺中環嚟講認真抵食! 因為坐得太舒服,食完唔想返工...