士林台灣麵

营业中

休息中

家人想去大棠睇紅葉，冇法啦，明知假期人山人海都要入去。行之前梗係要食飽個肚，於是去左呢間士林台灣麵。呢間喺元朗都幾出名，因為早，所以唔使等位，不過一過12點已經滿座。特登叫左唔同款，紅燒牛肉麵係招牌，三大片牛肉忟得好淋, 牛筋都都鬆化湯底都好濃，不過偏鹹排骨麵都係要試下，豬扒厚身好大塊，不過食落冇乜豬味，好似鬆肉粉落得多左，醃到冇哂肉嘅纖維質感麵質彈牙，份量多，個酸辣湯底唔係好掂，好冇層次，除非你一定要食酸辣，否則都係乖乖地叫牛肉麵或加3蚊轉湯底茄子肉燥飯，兩大條茄子份量足，咪睇佢好似好油，其實因為切得大舊，入面都好fresh好juicy椒鹽魷魚鬚，香口野冇話唔好食嘅，一般啦。埋單2百零蚊，唔算平，除左牛肉麵，其他食物一般水準，食牛先好來。