Owens (將軍澳中心)

营业中

休息中

屋企附近開咗一間高質Cafe，見到佢個名同小朋友英文名一樣，點都諗住試一試，點知一試之下發現非常有驚喜，套餐價錢合理，有唔少選擇。餐湯係南瓜湯，入口好Creamy，小食點咗蜜糖柚子雞翼，新鮮炸起外皮香脆，肉質食到雞肉好滑，甜甜酸酸好開胃，另外再點咗個白酒煮蜆，啲蜆粒粒脹卜卜，好鮮甜。主菜叫咗大蝦意粉，味道濃郁，隻蝦好大隻，而且好彈牙，意粉軟硬到剛剛好。另外點咗肉眼扒，好大塊好有牛味，點埋醬汁一齊食，特別惹味。最後甜品叫咗個香芋麻糬瑞士卷，好香而且麻糬好有口感，蛋糕比較濕潤，好鍾意呢個口感另外點咗個心太軟，新鮮焗起，朱古力非常濃郁，今餐真係食得非常滿足，好滿意呢一餐，好想多啲支持呢啲本土Cafe，下次要再試吓其他食物。