CENA

营业中

休息中

嚟西貢食飯，唔一定要餐餐海鮮既。向碼頭相反方向行遠少少，就有好多西式餐廳選擇。今日嚟咗呢面搵食，揀咗一間好多氣氛唔錯，又好本地人外國人光顧嘅西餐廳，CENA。一入到嚟其實都有少許驚喜。見到餐牌選擇都幾多，而且係吸引嘅。但人少胃口細，只可以揀兩碟野試試。▧ 香脆五花腩肉一嚟就叫咗個五花腩試試。份量唔算好多，但勝在有心思。總共有五舊五花腩，碟兩邊灑了岩鹽及黑椒粒作擺盤，腩肉下有蘋果泥作伴菜。五花腩外皮燒得好脆，(不是乾巴巴的那種)，帶有一點甜味，香口至極。可自己根據個人口味沾上枱邊嘅鹽同黑椒作適當調味，底下嘅蘋果泥亦有解膩之用，極度推介！！！！！▧ Cena's 煙燻烤雞Pizza雞肉，芝士，配上薄脆餅底不嬲都係一個唔會輸既組合。本來味道不錯，奈何加了泰式甜酸醬，未能有畫龍點晴之效，反而令到個pizza 有一點九唔搭八，而且甜酸醬令人第一時間想起脆辣雞翼。然而，脆辣雞翼pizza.......呃，有種奇怪嘅感覺。▧ Cena House Lager自家啤酒? 挺好飲。