CENA

营业中

休息中

呢排黎西貢黎得多，先發現近籃球場呢邊有好多餐廳，不過西餐為主。有幾間西餐係特別多人食，呢間就其中一間。一入到黎就周圍望下d 人食乜，又睇左幾睇個餐牌，就叫左肥豬肉同pizza relax 下。▧ Cena House Lager最平既啤酒選擇。個杯唔算好大，麥味都幾重，唔錯。唔中意好濃或者中意香味既少女們就未必岩了。▧ 香脆五花腩肉估唔到個擺碟都幾靚，不過份量比想像中細。睇menu 以為係炒豬腩肉，本身諗住用黎送下啤酒，黎到先知得幾舊。不過好在佢整得好好味。個面頭就好脆，唔知係咪加左d 糖係面頭再燒一燒，脆得黎有少少甜味，再加埋d蘋果泥去食，好夾。佢d 調味，鹽呀，黑椒就放碟2邊等我地自己點，所以味道上唔會太咸，岩岩好。▧ Cena's 煙燻烤雞Pizza味道就唔錯既，個配搭就好新奇。有烤雞，芝士拉到絲，又係咸香菜式，配啤酒真係一流。但一杯太少，要2杯先夠啊。不過芝士多返d就仲正。內面佢有幾pat 酸忌廉，同幾pat 甜酸醬，味道同pizza 好似有少少唔夾。我食個陣都特登撩走佢。除左呢樣都無咩投訴。