Cocolo Tokyo Cake Factory (西貢海傍街)

今日行西貢睇吓食咩好嘅時候，比呢個poster吸引。日本直送全人手製造嘅青森蘋果批。🍎🍏好想試吓好唔好食啊。

2

研究後發現佢嘅酥皮批都幾多種類，咖啡又唔係好貴。

又有半露天座位，感覺都幾舒適。

我哋叫咗三杯嘢飲，分別係：-
熱拿鐵咖啡$22
熱泡沫咖啡$22
凍雲哩拿咖啡$22
味道尚可，可惜沒有拉花。
堂食用紙杯，咁個擺款唔係咁吸引，而且有啲唔環保。不過價錢來講算性價比高。

我哋叫咗兩個批。一個甜一個鹹。分別係：-
青森蘋果批$38
A5松阪和牛肉批$48

兩個批嘅酥皮都好脆。店員建議我哋好似漢堡包咁食，係最好嘅食法。

青森蘋果批甜甜地，完全沒有酸味。但我各人來講鍾意食酸酸甜甜嘅蘋果批。呢個就係個人口味嘅問題啦。

和牛肉批非常多肉汁，我個人鍾意食呢個批多啲。

1

熔岩朱古力抹茶蛋糕$42
沒有朱古力味，抹茶味香濃，切開真係有少少熔岩嘅效果。唔會太甜，如果有埋紅豆就Perfect。

總括嚟講我覺得呢間Cafe性價比都幾高，坐半露天位，吹住海風都幾休閒。價錢亦合理。個人推介A5松阪和牛肉批。