🍴招牌老壇酸菜魚 $68 小辣(10/10)
冇諗過$68可以有咁大碟酸菜魚，份量超級多😍裏面有超級多塊魚肉，好多酸菜，酸蘿蔔，同埋少少金菇！酸菜魚同平時食到嗰一隻唔同，見到個湯都係黃色嘅，酸辣適中，花椒帶少少麻，唔會太酸太辣，小辣完全係好過癮，唔會辣到標汗，啱晒想食辣但又食唔到太辣嘅人😆！飲得到湯底係帶有魚肉嘅鮮味😱魚肉超級嫩滑，仲有少少魚味，一講人食完真係超級飽，$68超高CP值 ，好好食😋食完唔會太辣而肚痛真係超級perfect🫢
🍴宮廷川椒炒大腸 $58 (9.5/10)
大腸份量都好多，鍾意呢啲肥腸，肥得來好香口又唔會油膩，廚師炒得好有鑊氣，完全唔係唔太辣，一啖一舊邪惡得來又好食😆
🍴爽清麻辣魚皮 +$28 (9.5/10)
冇諗過魚皮可以好食到咁🤩份量好多，切到好細，夾起上嚟好似麵條咁，非常爽脆帶有少少麻香，少少辣，好正，加埋生洋蔥同青瓜絲，清爽得來又有口感！
🍴黃金墨魚餅 +$30 (8.5/10)
有六塊，炸起熱辣辣，食落有香濃嘅墨魚味，口感彈牙，點汁食泰式嘅感覺！真心好唔錯！
推薦指數: 10/10
真心冇諗過午市套餐可以咁抵食，有咁好食，超級高CP值，餐廳調教個辣度符合返香港人嘅口味，小辣真係啱啱好，食得開心又唔會太辛苦！真心推薦大家去食呢間午市套餐，平日同假日都有，可以放心隨時去食！
