.
西營盤新店好近地鐵站，轉過彎就到。餐廳開係內街，夜晚感覺好寧靜。餐廳門口裝飾得比油麻地主店更靚，四處都係滕器同植物，滿滿嘅波希米亞風情，打卡一流。
.
北海道干貝火龍果燉飯 💲148
⭐️3/5
餐廳招牌之一，打卡風美美嘅一個燉飯，用火龍果調色配上2粒香煎帶子，打卡一流。幾大份口味較清淡，唔膩。
.
龍蝦湯配牛油果大蝦稻庭烏冬 💲128
⭐️3.2/5
主店嘅招牌菜，眼見幾乎每枱必點。走健康系路線，有牛油果沙律菜同埋紫菜再加上幾隻大蝦，龍蝦湯用茶壺另上。擺盤幾靚，龍蝦湯都係屬清淡幾健康。
.
日本海鹽蜜糖甘薯條 💲78
⭐️3.7/5
估唔到個蜜糖薯條幾好食，外面鹹鹹脆脆嘅口感有少少似食鹹蛋黃嘅黃金薯條。甜甜嘅番薯條配蜜糖醬，我覺得其實唔用蜜糖都已經好夠味。
.
Latte 💲40
野莓梳打 💲48
野莓梳打感覺似利賓納加梳打水版本，有汽酸酸甜甜幾開胃。雖然係夜晚，去到咖啡店我都會試下佢哋嘅咖啡，質素中規中矩。
.
總結：晚上去到個感覺幾寧靜，餐廳裝修得好靚幾適合同朋友傾偈。可惜可能太夜餐廳話大部份甜品已經賣晒，得返牛角窩夫一個選擇。
2
