茶咖里

呢間茶記真真真係好隱蔽下，位置係正街斜路其中一條横巷轉角盡頭，提供戶外、室內環境，手機QR code落單。

$44 叉燒通粉常餐 配 煎雙蛋火腿多士&熱奶
叉燒口感麻麻，
半片方包、兩隻煎得靚靚仔的太陽蛋、兩片火腿、附上一粒Lurpak牛油
特別的是，竟然免費有熱奶提供喎😳，仲有誠意地打埋泡泡添，不過就唔重奶味🙂‍↔️
呢個份量，呢個擺盤，可以再訪！

$88 煙三文魚牛油果配 牛角包
呢個餐相對地性價比偏低，半個新鮮牛油果、淋哂麵包質地嘅牛角包、碎蛋沙律、粟米、煙三文魚，所有食物味道正常啦～