Eden

营业中

休息中

今次嚟咗西營盤高街呢間都幾出名嘅Eden食lunch。想講呢度嘅環境真係好幽靜高雅，啱曬想靜靜哋打下卡傾下計嘅朋友～羅勒青醬燻雞意大利麵份量幾足，以同類型餐廳嚟比較呢度嘅份量食得算飽肚。而羅勒青醬濃郁香醇，creamy嘅質感放咗入口會忍唔住會心一笑。意粉嘅口感同樣令人滿意，適中嘅韌度，不硬不軟，恰如其分，嚼勁十足。燻雞嘅肉質易唔錯，比預期中更加香滑，雖然每件嘅尺寸偏細，但肉質本身夠高質，食落依然好令人滿意。仲有餐飲一杯，我揀咗奶茶。奶嘅份量幾夠，口感絲滑，而茶味亦夠出，係坊間少見嘅茶底，幾好飲。