木船

今日係大埔睇下食咩dinner，行行下見到個名幾得意，係出面裝入去，又俾依間鋪頭嘅裝修吸引咗，見到入面都靚靚仔仔，又有幾隻船仔咁，咁就入左去lu!(其實我入到去睇menu先知係食泰國野😂又有少少fusion咁，好似冬蔭功意粉咁)

我自己都好食泰菜，特別係生菜包同生蝦🙊所以覺得更好，啱哂我食！
btw我地雖然2個人，但都叫咗好多野食😂😂😂

1.生蝦
一隻隻咁吊喺杯邊擺得幾靚😂佢配備一個辣醬，味道類似食老麥脆香雞翼果隻辣醬，但就晞啲，味道同生蝦加生蒜都好夾👍🏻重點隻蝦都好有誠意，夠大隻😂咬落唔係一陣風嘅感覺，有口感，同平時出面薄jit jit唔同。

生蝦

2.生菜包
好似之前講，我鍾意食生菜包😂所以一定必點！咁我朋友唔可以食太辣，所以專登點左小辣。但我又冇諗過小辣變左完全冇辣味🤨仲要偏甜咗...仲要啲肉碎我覺得偏硬咗！唯一好就係生菜夠多，平時肉碎未食完啲生菜就已經冇哂...

生菜包

3.冬蔭功湯+虎蝦
個湯其實幾足料，蝦都夠大隻！不過個味都係唔太辣，因為椰奶味重啲！？開頭飲都ok，不過飲到底，我地覺得偏咸咗....😯😯😯😯

冬蔭功湯+虎蝦

4.鮮蝦炒金邊粉
因為前2樣餸嘅關係，我有以為一般，但發現依個比我想像中好😂😂加入青檸汁，個味道酸得嚟幾開胃，買相都唔錯，蝦都唔係得果1隻，都有4隻，份量ok!

鮮蝦炒金邊粉

5. 我地仲叫咗一杯菠椰冰特飲(我忘記咗個名😂😅pina coloda d fd😂😂😂)，但味道唔錯！