是晚過左黎將軍澳，呢邊都幾多野食
朋友話想食小籠包，便試了這間
餐廳雖然幾多人等位，但係人流入得好快
是自助拎飛的形式，拎飛等左一陣仔就有侍應帶位
一入店，是一個很大的大廳，坐滿晒人
侍應帶左我地入去較入既位置，原來仲有一個空間，是小廳的形式，容納的人數也不少
餐廳的裝潢都算幾富麗堂皇
天花裝了墜下的白色吊燈﹑餐廳的牆身掛了不少花花的畫畫
整體是用了比較柔和的橙色﹑淡啡黃色為主色調，幾和諧舒服的感覺，當中也帶點懷舊味道
坐位的安排也不錯，枱與枱之間也有適當的空間
我同朋友兩個人可坐到一個４人的枱
服務方面，侍應普遍都幾有禮貌
舉手落單加水等等對應都快
而且我見到部長都會特意望下客人有咩菜未黎，跟進力不錯
食物味道方面，叫了４個菜，我和朋友都好滿意
特別對上海風味醬鴨比較難忘
朋友平常不太吃鴨鵝的，他也對這菜的味道讚賞不絕！
價錢對比返味道﹑服務同環境，覺得性價比不錯
一定會回頭的店！
有menu 牌睇
然後有一張黑白紙俾食客圈食物落單的形式
坐低會有一小碟小食，同埋會開一壺茶
➽小食 $15
幾欣賞呢個小食
有花生同栗子, 重點佢醃得好入味, 花生同栗子超腍身
小食前菜黎講，都算做得有點誠意
➽醋醬海蜇頭 $88
用的是海蜇頭, 狀呈一片片,不是平時坊間食既一條條
口感比較爽脆, 一條條的是比較軟身, 兩者口感上分別幾大
做得好的位是, 首先沒有一點沙
以前食過不少海蜇都有沙
然後,個醋醬好讚
醋味是有,但不太多, 不會太酸
加上帶點甜, 整體味道非常適合, 很開胃
海蜇頭有青瓜墊底, 浸滿了不少醋汁
平常我不太吃生的青瓜, 嫌佢草腥味太重
但由於個汁太正,所以我都因為個汁食唔少青瓜
➽上海風味醬鴨 $65
上枱時覺得個份量略少, 但食落先覺得岩岩好
這是一款醃製的鴨肉,沒有汁醬拌碟的
鴨肉做得比較乾身, 但不是柴或難咬的那些口感
鴨帶有咸香味, 好香
我覺得最好食係那些皮下帶些脂肪的部位
脂肪位收乾左少少, 還有些軟腍的口感, 配合這個咸香味, 好好食
上方提到份量不多, 但仍夠, 因為佢帶點咸, 所以兩人吃這一小份剛剛好
而且睇返價錢, 也對應
1
➽皇朝小籠包 (8種味) $142
應該是比較多小籠包口味選擇的一間店
因為未食過其他味, 不敢只選一隻口味
加上店家有同時試晒8種口味的選擇, 於是不作異想, 叫了一籠呢
好靚好吸晴的外表, 睇樣都有點興奮
整體黎講, 皮不厚算幾薄, 夾起也不易穿
小籠包內肉汁也幾多
整體是好食的呢!
店家特別做了一張小紙仔建議客人由最淡的口味食到最濃
但我地兩個人share 好難跟, 哈哈
同埋我呢D 外貌協會形, 一黎就揀自己喜歡既顏色食就算了, 哈哈
我試了3種口味
糟溜絲瓜：絲瓜係一個好清既味道，所以比較貼近似原味，不過因為加左粒狀絲瓜，所以有咬口，是值得叫一籠的味道
黑松露：它的皮超黑，黑到發亮的感覺。松露超香，入口好濃郁，好食！
蟹粉：加了蟹粉，添多了一些鮮味，和小籠包也是夾的，味道也是頗濃郁的一款
個人最喜歡的是黑松露，真係好香。
但是黑松露和蟹粉是比較濃郁味道的，如果叫一整籠同一款味，相信應該會幾膩，所以建議多人食時分享會比較好。
➽上海炒飯 $95
份量幾多的
加了幾大隻的蝦入去，蝦口感爽彈，幾新鮮的感覺
醬油味好香，飯炒得粒粒分明，夠爽身
茶位 $10 一位
需加一服務
