黎自新加坡文華大酒店過江龍，出名海南雞。
位置要少少時間搵，餐廳裝修感覺清新，座位多，
先去櫃檯嗌嘢食，俾錢，然後店員先至送上食物。
✨味道70分，環境70分，服務70分。
.
🔸招牌大蝦喇沙($128)⭐️
熱辣辣又香口，湯底好濃郁，稠身，微辣，
而且好足料，好多餸，魚片，豆卜都好多。
大蝦肉質幾爽口，米線吸哂味。
.
🔸文華海南雞飯($108)⭐️
轉咗升級雞髀，肉質非常之滑，本身已經入味。
油飯夠香口，飯粒粒分明，會唔會煮得太濕。
份量唔算好多，剛剛夠飽。
跟個湯飲落唔錯，唔似普通味精湯，入面仲有豆腐。
.
🔸香脆薄餅配咖喱汁及蔬菜條(+$18)
本身冇睇清楚，以為係厚身啲嗰種印度薄餅，
原來係印度前菜嗰隻薄脆，少少胡椒味辣辣地好惹味。
頭嗰兩塊夠脆，但底下兩塊稔哂。
.
🔸蒜蓉炒小棠菜(+$15)
嗌番碟菜均衡吓，細細碟都夠食，有蒜蓉香。
.
🔸椰子雪糕(+$15)
除咗有香濃嘅椰子味，佢仲混合有啲椰絲，增加口感。
