歡喜

营业中

休息中

講起呢間”歡喜”，就好似以前同一地點既個間”高興”借屍還魂，個外殻一樣，但個名改左。無論外表、內在裝修同餐牌上食品，都似曾相識，不禁要講句「佢返嚟啦」望下餐牌，都熟口熟面至少下午茶T9個高興公司三文治同午餐J高興全日早餐仍然係度。以前係度食過高興公司三文治，都非常喜歡，料多又蔬菜新鮮，絕非一般茶餐廳個種，甚有外國feel。不過今次食其他嘢。午餐D午餐B下午茶T10小弟食個最簡單既餐蛋麵，食落麵身應該真係出前一丁，見湯底清晰不混濁，估計係煮好個麵之後，再灌以味湯。個人食法先將部分味粉撈勻麵身，之後再加湯，當然我相信無餐廳會浪費時間做啲效益低嘅嘢，而且亦未必個個鐘意咁食。至於嗰隻半生熟嘅煎蛋我較為欣賞，午餐肉就鹹咗少少。以往會食個牛肉漢堡再配杯紅酒，或者炸魚薯條配杯啤酒嘆下，不過此刻餐牌上，已不再有酒精飲料，甚為可惜。