馬哥孛羅咖啡廳

幾個星期前已經book左食buffet，阿媽話朋友介紹幾好味，價錢都算幾吸引嘅。其實我一入到去已經都幾失望，因為款式實在太少了。當然首先係要食返冷盤先啦。三文魚刺身同油甘魚刺身，三文魚都算係幾新鮮，油甘魚就算係一般般啦。之後梗係黎到重點食生蠔啦，今次係澳洲嘅coffin bay嘅！都算係咁啦最初都唔係幾新鮮無乜味，但之後食咗幾隻都有啲鮮甜味，所以總共食咗九隻。兩隻青口算係麻麻哋，實在係冇味。煙三文魚同芝士嘅餅都係一般貨色。燉鴨湯，得個咸字，完全不值一提。總算搶到兩三隻龍蝦都係普通国，啊好似擺咗好耐咁，如果有得食下熱嘅龍蝦就好啦。肉類一般。最後梗係要食返幾球movenpick ，抵番條數。