狀元樓

夜晚去食，諗著啲嘢食唔平，質素有保證，點知中咗伏。

一坐低發現大部分餐具有層油污，好污糟，根本係求其洗。更甚者，有一隻碗同一把刀有飯餸漬。個男經理過嚟換，道歉都冇句，仲大力扔係枱面，真係扣哂分。

雞煲翅麻麻地，翅少就梗，但完全唔夠濃味，值唔值$498？

鮑魚？好似自己開罐頭都差唔多味道。

食嘅時候，啲待應不斷收走哂啲碟，好趕收工。

由於埋單用支付寶，佢要你行去收銀自己掃bar code俾錢。

埋單唔平，但環境欠佳，衞生仲差過茶餐廳，服裝差過快餐店，嘢食水平麻麻。

我全程冇出聲投訴，因間嘢水平唔合格。

扺唔扺？見仁見智啦。