早一日俾左幾間餐廳爸媽揀，佢地都話想食韓燒，於是預早一日打去訂位，原來有9折啊！
星期日晚市原價每位大人$178，任燒任食任飲，雖然晚市係5:30pm開始，我地7pm先黎到開始食，全場亦基乎滿座，但啲食物都fill到爆哂，完全唔似已始開始左個半鐘。一邊食先發現原來店員fill食物fill得好快，而且一直見店員清潔取食物區既枱面，好衛生，呢兩點好值得讚
1
生食物擺放滿滿的，款式很多，每盆都有牌仔標示食材名稱，十分整齊衛生。
前菜類及蔬菜類也很多選擇呢！用來中和燒肉既油膩感很不錯！
熟食亦吸引！扇貝及青口一出場就被搶奪一空啦
後來亦有整盆整盆的refill啊
連炸物也有供應~
1
甜品，糕點，水果，壽司，沙律，仲有無影到相既雪糕...
選擇真係好多！
飲品除左豆漿，酸梅湯，西洋菜蜜，熱茶，仲有各式汽水都係任飲，餐牌上亦有另加錢既各式酒類~
我地就加左支韓國米酒$58 三人share~
爸爸話食燒肉要飲酒先盡興，但我同媽媽酒量麻麻，經理推介我地飲韓國米酒~~~
呢隻米酒好易入口，唔好酒既我都邊食邊飲飲左兩三碗
燒物爸媽最愛三文魚，魷魚，雞肉串，蝦，多春魚，牛仔骨，三文魚件件肥美又唔鯹，牛仔骨夠腍有牛味亦有肉汁~
其他有醃料既肉類都好唔錯，每種醃汁都好味，唔會太咸
對牛肉有要求的可以每位加$18 任食呢隻肉味較濃郁既牛脊肉~~~
1
特別想推介兩款熟食！我地都認為好好味的~
蘿蔔炆牛骨，蘿蔔本身就好清甜，而且無根，炆得好腍，吸哂牛既精華，連好少讚野好食既媽媽都大讚呢，個湯頭就有齊牛骨，紅白蘿蔔既精華，無味精好好飲
1
豬腳薑，淨睇色水已經流口水，又香又入味，豐富既骨膠原呀
水蜜桃椰汁糯米飯都好唔錯，可惜唔係芒果..
總結真心值得再試，其實呢類任食韓燒俾我感覺一向係唔衛生同好咸，好多油煙..
今次感覺卻好好，一來真係好衛生，食物好味，尤其熟食有驚喜
燒爐個盆燶左店員會主動換，換碟也很快，抽風系統很不錯，無油煙啊(爸爸大讚)!
埋單一位都係$200左右,可以令屋企人食得咁開心，值
