影片
更多
2020-04-11
59 浏览
呢間食物質素普普通通，但喺抗疫期間暴露出極度缺乏衛生意識及守法意識，請大家幫襯之前三思。噚日路過果陣零星坐咗幾台人。店面中間有一行拼台，有兩個人坐喺最右邊，我哋就喺最左邊落座。一陣之後店員又引導三位食客來到我哋身邊坐低，果時已經覺得不安，唔好話台與台之間相隔1.5米，連0.1米都冇，兩張台根本係黏埋一起。雖然中間有份menu棟喺度當係隔板，但都仲有好多空間遮唔晒，同埋都唔係冇其他座位，點解一定要黏住其他人坐。咁啱有兩個人食完離開，我就同店員講我哋想搬去果張四人台。 結果佢只係話「我幫你哋搬開d」未等我哋反應就出手拉張台，果下我被張台撞到腳佢將我哋張台拉開咗大概20cm（見圖），我有啲愕然，同佢講「呢度邊有1.5米距離呀」 佢已經閃咗唔再睬我哋。 果下真係一肚氣想爆發，但隔離台有個小朋友，唔想嚇到佢，唯有自己忍住啖氣快快食完離開。呢間食肆好大問題：第一佢唔遵守餐台之間要距離1.5米嘅衛生法例，夾硬都要唔係同一班嘅食客坐喺同一張大台，完全唔為食客安全著想；第二客人提出要換台竟然被拒，將台拉開20cm當做咗嘢？！果陣成間鋪已經坐咗大約一半人，亦都冇其他食客入來，唔知佢留住張四人台係想點？法
噚日路過果陣零星坐咗幾台人。店面中間有一行拼台，有兩個人坐喺最右邊，我哋就喺最左邊落座。一陣之後店員又引導三位食客來到我哋身邊坐低，果時已經覺得不安，唔好話台與台之間相隔1.5米，連0.1米都冇，兩張台根本係黏埋一起。雖然中間有份menu棟喺度當係隔板，但都仲有好多空間遮唔晒，同埋都唔係冇其他座位，點解一定要黏住其他人坐。
咁啱有兩個人食完離開，我就同店員講我哋想搬去果張四人台。 結果佢只係話「我幫你哋搬開d」未等我哋反應就出手拉張台，果下我被張台撞到腳佢將我哋張台拉開咗大概20cm（見圖），我有啲愕然，同佢講「呢度邊有1.5米距離呀」 佢已經閃咗唔再睬我哋。 果下真係一肚氣想爆發，但隔離台有個小朋友，唔想嚇到佢，唯有自己忍住啖氣快快食完離開。
呢間食肆好大問題：
第一佢唔遵守餐台之間要距離1.5米嘅衛生法例，夾硬都要唔係同一班嘅食客坐喺同一張大台，完全唔為食客安全著想；
第二客人提出要換台竟然被拒，將台拉開20cm當做咗嘢？！果陣成間鋪已經坐咗大約一半人，亦都冇其他食客入來，唔知佢留住張四人台係想點？法例都規定食客唔可以超過一半座位數啦！ 如果係太平時期，唔比人隨便轉台都唔係冇道理。但呢個時候個個都想隔開d ga la! 仲要一句解釋或唔好意思都冇，完全唔尊重食客嘅合理要求。
結帳時忍唔住同個收銀講你哋台與台之間根本冇1.5米，佢扮聽唔到咁冇反應。真係好嬲！會向食環署作出投訴！
1 浏览
0 赞好
0 留言
张贴
