翁記潮州粉麵

营业中

休息中

住咗西環咁耐都未食過，成日以為呢間食肆食卥水鵝，原來係一間平靚正粉麵鋪，上Openrice做咗小小資料搜集，知道一個滋味大貼士。牛筋大腸米 $26驟眼睇以為呢碗粉好清淡，但其實中間加入咗乾蔥油，即時令成碗粉變得好香，原來加埋佢哋秘製辣油先最，乾蔥油＋辣油簡直係靈魂所在，唔係太好辣既我都忍唔住加咗兩次。牛筋同大腸本身無醃過，所以無乜味，所以人人都會落少少辣作調味，不過食完會覺得有少少口喝，但無味精又唔好味架啦！下次想試四寶，我見好多人嚟外賣都叫呢個，起碼可以試到四款餸吖。