火五越式牛肉粉專門店 (華生樓) (已結業)

呢間越南菜喺太子同佐敦都有分店 假期經過就入去試吓 街坊小店果然抵食又多選擇🍜火五和牛牛丸+扎肉湯粉 $48牛丸好彈牙 亦比平時嗰啲更濃牛味 湯底清得嚟又唔係淡茂茂 湯河幾滑身🍝香茅豬頸肉撈檬 $58豬頸肉份量多 爽脆肥瘦適中 蔬菜絲同樣非常之多 自家製魚露酸味突出 撈埋一齊食岩哂🫓手作扎肉米紙卷4件 $32外皮非常煙靭 裏面包着檬粉、生菜 青瓜絲同扎肉 加魚露食好開胃🦴火五特色鳳爪 $28味道酸辣清新 鳳爪易咬又入味👍