良鮨壽司

营业中

休息中

今日行去大埔，廣福道開了間壽司店，個名好好，良鮨壽司店。選擇太多都想試，今次就食良鮨冬季二人前。先嚟磯煮鮑魚冷豆腐，味道不會太濃。再來茶蒸碗，滑溜溜有鮮甜香海鮮味。刺身，壽司，生蠔繼續出場，刺身新鮮，不過點都唔及生蠔，鮮中帶少少海水味，二人前只分得一隻，真係唔夠喉。跟住來一碗暖暖嘅魚奶湯，沒有魚腥味，只有魚嘅甜鮮味，應該裡面加入左豆漿或奶嘅物質，有些滑溜濃郁。安格斯牛肉金菇卷，係同場最讚嘅食物之一，平時食都會出現牛肉韌口嘅問題，今次食嘅牛肉鬆化又唔黐牙。串燒雞翼同厚切牛舌，比較喜歡牛舌厚但唔會鞋口韌皮，雞翼皮脆口，肉汁多。最後海膽海鮮炒飯，唔知係咪想推介佢哋嘅海膽，雖然只有四片海膽放在飯面點睛，但一口即溶真係令人想叫原隻品嚐。雪糕作甜品係芒果味，這個牌子雪糕，亦值得推介。同場加插厚燒玉子。正！不錯質素的日本餐廳，服務質素亦滿意，值得再來光顧。