影片
更多
2021-10-18
114 浏览
呢幾日凍咗好多 十月秋風起係食大閘蟹嘅時候啦 屋企老人家最鍾意食翡翠拉麵小籠包近排佢哋推出左限定蟹粉盛宴 🦀🦀🦀“足 1.5 両蟹粉”炮製嘅五款菜式 即刻衝去試吓啦四個人叫咗「真。滋味蟹粉套餐」四位用$798都幾多嘢食，同埋都幾抵食呀，人均都係$200only 自選 3 式拼盤鎮江肴肉，鹹鹹地，鹹肉凍啫喱咁，配啖茶醉豬手，花雕酒味好重，好入味，豬手仲要好彈牙，煮熟完放咗落雪櫃雪咗好耐，所以個皮特別彈，又入味，充滿骨膠原呀煙熏魚，甜甜地，魚肉食落硬硬地，幾有口感。蟹粉小籠包期待咗好耐，果然皮薄餡靚，小籠包粒定上面已經有好多蟹粉，咬落去，湯汁爆曬，豬肉餡入邊有好多蟹黃，超滿足，比起一般嘅小籠包真係好食好多👍🏻👍🏻花雕醉雞同最豬手一樣咁重花雕味，醉雞大部份都係比雞髀位，嫩滑蟹粉蝦球鍋巴(4件)呢度菜有驚喜，鍋巴即叫即炸，非常之脆口，上面放咗超大隻嘅蝦球，爽口彈牙，另外仲足足配左1.5両蟹粉，濃郁蟹黃味，真係一流，食完一個唔夠喉呀，仲想食多個！椒麻酸菜魚份量都幾多，入邊除咗有大量薯粉之外，仲有鯛魚片，佢哋用咗鯛魚片比起平時嘅桂花魚更加爽口，比較上來講第一次食鯛魚片，我更加鍾意翡翠小籠包呢隻嘅酸
係食大閘蟹嘅時候啦
屋企老人家最鍾意食翡翠拉麵小籠包
近排佢哋推出左限定蟹粉盛宴 🦀🦀🦀
“足 1.5 両蟹粉”炮製嘅五款菜式 即刻衝去試吓啦
四個人叫咗「真。滋味蟹粉套餐」四位用$798
都幾多嘢食，同埋都幾抵食呀，人均都係$200only
自選 3 式拼盤
鎮江肴肉，鹹鹹地，鹹肉凍啫喱咁，配啖茶
醉豬手，花雕酒味好重，好入味，豬手仲要好彈牙，煮熟完放咗落雪櫃雪咗好耐，所以個皮特別彈，又入味，充滿骨膠原呀
煙熏魚，甜甜地，魚肉食落硬硬地，幾有口感。
蟹粉小籠包
期待咗好耐，果然皮薄餡靚，小籠包粒定上面已經有好多蟹粉，咬落去，湯汁爆曬，豬肉餡入邊有好多蟹黃，超滿足，比起一般嘅小籠包真係好食好多👍🏻👍🏻
花雕醉雞
同最豬手一樣咁重花雕味，醉雞大部份都係比雞髀位，嫩滑
蟹粉蝦球鍋巴(4件)
呢度菜有驚喜，鍋巴即叫即炸，非常之脆口，上面放咗超大隻嘅蝦球，爽口彈牙，另外仲足足配左1.5両蟹粉，濃郁蟹黃味，真係一流，食完一個唔夠喉呀，仲想食多個！
椒麻酸菜魚
份量都幾多，入邊除咗有大量薯粉之外，仲有鯛魚片，佢哋用咗鯛魚片比起平時嘅桂花魚更加爽口，比較上來講第一次食鯛魚片，我更加鍾意翡翠小籠包呢隻嘅酸菜魚，魚皮都更加爽口，食落有啲似完全冇臭腥味嘅脆肉脘魚😂😂好食。
蟹粉豆腐煲🦀🦀🦀
呢個係我第二個最鍾意食嘅 ，蟹粉豆腐煲同樣用上足1.5両蟹粉，好多蟹肉，超嫩滑豆腐配埋蟹黃油香，一不留神撈左幾碗白飯😋😋，諗返起鹹鹹香香真係好正！
另外套餐都包左酸辣湯同埋宋嫂魚羹，鍾意食辣嘅我就鍾意酸辣湯多啲啦，兩款湯入邊都好足材料
豆沙鍋餅
食到最後就用豆沙鍋餅作為完結，外層金黃酥脆，紅豆沙餡微甜不膩，食落都唔會咁重罪惡感，完美作結
张贴
